Jarduerak
Mendi-ibiliak

Ibilaldi eder hau Labeagako errotatik irteten da. Bidezidor batzuetatik igoz, Labeagako etxolak ezagutuko ditugu eta Labeaga gaineko herrira helduko gara... Monjardínerantz igo, eta haren beheko hegalean, hain justu, fantasiazko ipuin batetik aterata dirudien bazter magikoa aurkituko dugu.

Narkuen eta Gastiainen zeharreko ibilaldi ederra.
Hona hemen eguraldi lainotsuarekin ateratako argazki batzuk (ibilbidea egin genuen egunekoak) eta zein polita den ikusteko beste batzuk (Google-tik hartuak).
Lehen aldapa pikoa da, baina gero ibilaldi guztiz gozagarria da.

Lasterketa Aiegi herriko Rebote plazatik (Foru Plazatik) abiatzen da eta, Montejurrako futbol-zelaia atzean utziko dugun eta Bidearen autobiako zubia gurutzatuko dugun asfalto gaineko igoera labur baten ondoren, zuzen jarraituko dugu eskuinaldean sartzeko, mahasti baten ertzetik ibiliz. Horrela, Montejurrako lehen igoera partzialera helduko gara, iparraldeko aurpegitik. Gero, Via Crucis bidetik jaitsiko gara, Telefónicaraino, eta ezkerretara eginen dugu bira, La Pila bidetik.

Ehunka gutxi metro ibili ostean, eskuinaldera eginen dugu, Senda de los Soldados bidezidorretik, jaitsiera arin bat hasiko dugu eta ezkerretara joko dugu Entrechozas bidera heltzeko eta Txiki Trailekin bat egiteko.

Bigarren etxolara heldutakoan, eskuinetara desbideratu eta “La Balsa”raino jaitsiko gara. Hor, ezkerretara eginen dugu bira, Senda de la Carbonera bidezidorretik. Bidezidor hori “La Pila” bidean amaitzen da, eta hor eskuinetara joko dugu Oya de la Caleko sarrerara heldu arte. Hor hasiko da Oya de la Caleko tarte kronometratua (1,5 km-ko igoera % 30eko desnibel positiboarekin).

Puntu horretatik, San Ziprianoren ermitara igoko gara eta, ondoren, 8. gurutzeraino jaitsiko gara. Eskuinetara eginen dugu, San Sebastianen ermitaraino (Muniain) doan jaitsiera tekniko batetik, eta El Fuerteren (Antenen Tontorra) atzealderantz igoko gara zuzenean.

Hortik, Montejurraren alde lauarekin paraleloa den bidezidor bat gurutzatu, jaitsi eta suen zaintzarako etxola zaharrera igoko gara.

“Senda del Jabato” bidezidorretik jaitsiera luze eta azkar bat gainditu ondoren, Donejakue bidera helduko gara berriz, eta hortxe jarraituko dugu “Hoya de la Cal” ospetsuaren oinetara heldu, La Pila bidea gurutzatu eta Oya de los Cascajosetiko igoera gogorra (1,5 km-ko igoera % 30eko desnibel positiboarekin) hasi arte. Azkenik, Montejurrako tontorrera helduko gara, San Ziprianoren ermitatik, postontziaren zonatik eta El Fuertetik (Antenen Tontorra) pasatuz.

Tontorraz arineketan gozatu ondoren, azken jaitsiera pinudiaren alde batetik hasiko dugu, jaitsiera guztiz dibertigarri batean sartu arte. Hortik “Senda de Golum” bidezidorrarekin eginen dugu bat, Donejakue bidearen beste tarte batera heldu arte, zeinak San Zipriano kiroldegiko helmugara eramanen baikaitu berriro.

Lasterketa Aiegi herriko Rebote plazatik (Foru Plazatik) abiatzen da eta, Montejurrako futbol-zelaia atzean utziko dugun eta Bidearen autobiako zubia gurutzatuko dugun asfalto gaineko igoera labur baten ondoren, eskuinetara eginen dugu eta Montejurrako hegalera helduko gara, iparraldeko aurpegitik.

Camino de la Corona bideko sarreran, lehen bidegurutzean ezkerretara desbideratuko gara eta gutxi gorabehera 150 metrora Donejakue bide ospetsuarekin eginen dugu topo. Hor 200 metro ibili ondoren, ezkerretara joko dugu eta, aldapa gogor eta labur bat igo ondoren, “Entrechozas” bidezidorrean barneratuko gara.

Bigarren etxolara heldutakoan, eskuinetara desbideratu eta “La Balsa”raino jaitsiko gara. Hor, beste bidezidor bat hartuko dugu, La Carbonera izenekoa. Bidezidor hori “La Pila” bidean amaitzen da, eta hortik Oya de la Caleko sarreraraino jaitsiko gara.

Behin horra helduta, Oya de la Caletik igoko gara (1,5 km-ko igoera % 30eko desnibel positiboarekin), Montejurrako tontorrera heldu arte, San Ziprianoren ermitatik, postontziaren zonatik eta El Fuertetik (Antenen Tontorra) pasatuz.

Tontorraz arineketan gozatu ondoren, azken jaitsiera hasiko dugu, pinudiko bidearen alde batetik, eta jaitsiera guztiz dibertigarri batez gozatuko dugu “Senda de Golum” bidezidorrarekin topo egin arte. Horrela, Donejakue bidearen beste tarte batera helduko gara, zeinak San Zipriano kiroldegiko helmugara eramanen baikaitu berriro.